Það er fátt sem jafnast á við það að setjast niður með góðu fólki og njóta samverunnar í kaffitímanum. Hvort sem það er rólegur sunnudagur, saumaklúbbur eða kaffitími á vinnustaðnum, þá er það alltaf góð hugmynd að bæta smá sætu við kaffibollann eða mjólkurglasið. Þar koma Smáu kökur og Tækifæristertur Myllunnar til sögunnar.
Ljúffengu Smáu kökur Myllunnar eru frábærar til að njóta við hvert tækifæri sem gefst og er tilvalið að gæða sér á þeim í kaffitímanum. Eins og nafnið gefur til kynna eru kökurnar smáar, flauelsmjúkar og einstaklega bragðgóðar. Kökurnar eru alltaf fjórar saman í pakka svo auðvelt sé að grípa þær með í innkaupaferðinni.
Fyrst hófum við sölu á smáum möndlukökum og í kjölfarið var vöruúrvalið aukið til að mæta óskum viðskiptavina sem höfðu áhuga á að fá fleiri gerðir af smáum kökum. Þá komu til sögunnar smáar súkkulaðikökur með súkkulaðiperlum, smáar Nutella-kökur, smáar kökur með sítrónubragði og smáar gulrótarkökur.
Ef þú vilt gera aðeins meira úr kaffitímanum eða koma fólki skemmtilega á óvart, þá eru Tækifæristertur fullkomin leið til að gleðja við öll tilefni. Terturnar eru ljúffengar og skreyttar á smekklegan og hátíðlegan hátt, sem gerir terturnar að aðlaðandi miðpunkti á hverju borði.
Með fjölbreyttu úrvali bragðtegunda býður Myllan upp á Tækifæristertur sem henta fyrir alla. Það er auðvelt að velja eitthvað sem fellur í kramið, hvort sem það er fyrir sælkera eða þá sem elska einfaldleikann.
Það skiptir ekki máli hvort tilefnið er stórt eða smátt; Tækifæristertan er ávallt rétta svarið þegar þú vilt koma fólki á óvart og skapa gleði. Þú þarft ekki að bíða eftir sérstökum degi og stundum er einfaldlega best að gera sér dagamun þegar tækifærið gefst.
Það er alltaf tækifæri að njóta eða gleðja í kaffitímanum með Smáu kökum eða Tækifæristertum Myllunnar. Mundu eftir þeim í næstu innkaupaferð!