Við kynnum stolt gestapenna Myllunnar sem er engin önnur en Hjördís Dögg Grímarsdóttir, áhrifavaldur og eigandi síðunnar sívinsælu Mömmur.is. Hún kemur hér með dásamlega uppskrift af grilluðum kjúklingaborgara í hamborgara sætkartöflubrauði.
Gómsætur kjúklingaborgari með sætkartöflubrauði
Það er frábært að nota sætkartöflubrauðin frá Myllunni til að búa til kjúklingaborgara. Kjúklingurinn er skorinn í þunnar sneiðar og síðan mareneraður áður en hann er grillaður. Sætkartöflubrauðin eru hituð og síðan smurð með chilli-mæjó og fyllt með káli, tómatsneið, gúrkusneiðum, avakadó, rauðlauk og beikoni. Virkilega gómsætur kjúklingaborgari sem borinn er fram með sætkartöflufrönskum.
Uppskrift
Brauð:
- 8 sætkartöflubrauð
Kjúklingur:
- 4 kjúklingabringur (skornar í tvennt)
Marinering:
- 200 ml teriyaki-sósa með engifer og sesam
- 100 ml ólífuolía
- 3–4 hvítlauksgeirar (pressaðir)
- 1 tsk paprikukrydd
- 1 tsk salt
- ½–1 tsk hvítlauks- og piparkrydd
Meðlæti (eftir smekk):
- Kál
- Buff tómatar
- Gúrka í sneiðum
- Rauðlaukur í þunnum sneiðum
- Avókadó
- Grillað beikon
- Chilli mæjónes eða hamborgarasósa
Aðferð:
- Hrærið saman hráefnum í marineringuna og leggið kjúklinginn í hana í a.m.k. 30 mínútur – helst lengur.
- Grillið kjúklinginn þar til hann er fulleldaður
- Grillið sætkartöflubrauðin í stutta stund á grillinu
- Setjið borgarana saman með kjúklingi, sósu og meðlæti eftir smekk.
- Berið fram með stökkum sætkartöflufrönskum.
Við þökkum Hjördísi fyrir þessa girnilegu uppskrift! Þið getið fylgt henni á samfélagsmiðlum undir Mömmur.is